Pormal nga giturn-over ni Dipolog City Chief of Police, PLTCOL Edwin D Verzon ang kaakohan sa pagka-hepe sa Dipolog City Police Station ngadto kang PLTCOL Vedasto J Dasmariñas III sa gipahigayon nga “Turn-over of Command” Nobyembre 11, ning tuiga didto sa Dipolog City Police Station ning siyudad nga nagsugod sa may alas 11:00 ang takna sa buntag.
Gisugdan ang kalihokan pinaagi ni Community Affairs Development Officer PLT Dante B Tabotabo, kinsa mipabati sa iyang “Welcome Address” samtang ang PNP Deputy Provincial Director for Operation nga si PLTCOL Alvin P Saguban, mihimo sa “Presentation of Awards” alang sa mohawa-ay nga Chief of Police (PLTCOL Verzon) ug turn-over sa mga “office symbols” gikan kang PLTCOL Verzon ngadto sa umaabot nga hepe (PLTCOL Dasmariñas III).
Gitambongan usab kini ni City Vice Mayor Senen Olvis Angeles, kinsa representante ni City Mayor Darel Dexter T. Uy nga mipabati sa iyang mensahe sa pagpasalamat ngadto kang PLTCOL Verzon ug pag abi-abi ngadto kang PLTCOL Dasmariñas III ug sa tanang mga kapulisan nga nagserbisyo alang sa kalinaw sa dakbyan sa Dipolog.
Mipabati usab si PLTCOL Saguban sa usa ka mahinungdanon nga mensahe kabahin sa tagsa-tagsa ka responsibilidad nila isip pulis, samtang si PLTCOL Verzon, kinsa mipabati usab sa iyang mensahe sa pagpasalamat sa mga kapulisan sa ilang supporta niya samtang siya ang Chief of Police ning dakbayan ug siya mipa-ambit sa ilang mga paglantaw kabahin sa bag-ong hugna sa ilang mga karera..
(Source: Dipolog City Government Facebook page)