Pagadian City – Gi-turn over na karung adlawa, Abril 7, ni Pagadian City Mayor Sammy Co ang Multi-purpose hall ngadto sa mga katawhan sa Barangay Muricay nga gipangulohan ni Punong Barangay Abdul Mohaimen Ever og sa mga myembro sa barangay council.
Gipa-paspasan ang konstruksyon sa maong multi-purpose hall arun kini magamit na og mapuslan na gayud sa mga katawhan sa Barangay Muricay.
Makita sa mga nawong sa atoang mga igsoong taga Muricay ang kalipay kay sa pipila ka tuig, naka tagamtam na gayud silag insaktong multi-purpose hall.
Ang maong Muricay Multi-Purpose Hall paga-gamiton para sa ilahang Day Care Center, Health Center, og Barangay Hall.
Mapasalamaton og dako si Muricay PB Ever sa proyekto nga gihatan sa Asenso Pagadian Administration nga gipangulohan ni Mayor Sammy Co kauban ang 13th City Council led by VM Mapi Obaob.
(Source: Asenso Pagadian)