Tubig na sinusuplay ng MWSS ligtas sa anumang uri ng virus

Ligtas sa anumang uri ng bacteria at virus ang tubig na isinusuplay na tubig ng Metropolitan Waterworks and Sewerage System (MWSS) sa mga water concessionaires.

Ito ang naging pagtitiyak ni MWSS Chief Regulator Patrick Ty sa harap ng ulat na posibleng mabuhay sa tubig ang coronavirus.

Sinabi ni Ty na ligtas na inumin ang tubig na kanilang isinusuplay dahil dumaan ito sa wasto at sapat na disinfection process alinsunod sa pamantayan ng Department of Health (DOH).

Una rito, sinabi naman ng WHO na walang sapat na ebidensiya na nabubuhay sa tubig ang coronavirus.