Unang gihatagan ug hinabang bugas ug delata ang mga pobreng uyamot sa nagkadaiyang barangay sa dakbayan sa Gensan gikan sa budget kon calamity fund gikan sa pundo sa mga baranga. Matud pa ni kapitan Pao Natividad sa Apopong nga wala pa man nahatagan ang tanang molupyo apan gisiguro nga ang mga informal workers kon pobre susama sa mga trisikel ug trisikad drivers ug mga laborers maoy giuna ug hatag ug mga foodpacks.
70 ka mga family packs ang nahatag sa matag Purok nga naglangkob sa 57 ka puroks tibuok Apopong. Gikan sa calamity fund sa barangay ang gikuhaan sa pundo. Samtang ginahulat ang mga relief goods ang gikan sa LGU kon local government unit pinaagi kang Mayor Ronnel Rivera.
Samtang posibling mas pahugtan pa ang pagbantay sa mga Police ug covid 19 response volunteers aron mas mapalurang pa ang pagawas sa mga tawo. Wala pa hinuoy mandu ang Mayor kabahin sa pagpatuman ug number coding sa mga sakyanan nga unang gikaingon sa mga Pulis nga ilang ipatuman sa matag checkpoint aron dili makasulod sa sentro sa syudad ang daghang mga sakyanan.
Samtang kabahin sa seguridad gibalik sa liderato ni Police Col. Aden Lagradante ang police visibility sa matag Police boxes aron mahimong mapugngan ang mga krimen tungod sa presensya sa kapulisan. Samtang padayon ang hugot nga curfew implementation matag alas otso sa gabii hangtud alas kwatro sa kaadlawon matag adlaw.
Walay pa kaso sa Covid 19 ang tibuok syudad sa Gensan karong panahona ug gilauman nga magpadayon kini. Nanawagan ang mga otoridad nga tumanon lamang ang home Quarantine sa matag tawo aron dili makakatag ang virus sa covid 19.