Cebu City – Gitinguha ni Lapu-Lapu City Mayor Junard Chan nga maka mugha ug uniform nga palisiya ang ang tulo ka syudad sa Lapu-Lapu, Mandaue ug Cebu labot sa mga Ceres Bus nga magbyahean sa maong mga lugar.
Nonot kini sa mga sunod sunod nga disgrasya sa kadalanan nga naglambigit sa maong Bus Company karong bag-o.
Atol sa DYKC Karambola Bisaya, gibutyag ni Mayor Chan nga karong adlawa hayan dungan ang tulo ka mga syudad maka pagawas sa ilang tagsa tagsa ka Executive Order sa maong katuyuan.
Matod ni Chan nga ila nga tawagan si Talisay City Mayor Samsam Gullas tungod kay mo-agi man sab ang Ceres sa maong syudad.
Gipahibaw ni Chan nga ang maong mga Bus anha lang mo agi ug mobyahe sa Circumferential Road.
Karong adlawa gitakda nga magtigom ang representante sa Vallacar Transit Incorporated ug kagamhanang lokal sa Mandaue.
Kagahapon nagkatagbo na sila si Cebu City Mayor Edgar Labella ug mga representante sa Ceres Bus ug usa sa nasabotan ang pagpahinay sa dagan sa maong Bus Company ug kalabot sab sa Quota system niini. (Jhon Tadlip/JTY, photos courtesy of CCDRRMO | Lapu-Lapu City PIO | Mayor Edgar Labella)
(Source: DYKC Karambola Bisaya via Bob Malazarte)