DAVAO CITY- Gikomperma sa Davao City Police Office nga dunay mga transaksiyon sa Illegal ga Droga sulod mismo sa Davao City Jail pinasubay sa kompermasyon mismo sa daghang mga peniriso. Kini ang gibutyag ni DCPO Chief Police Senior Superentendent Alexander Tagum atol sa gihimong Press Conference kagahapong adlawa sa usa ka Hotel ning syudad.
Dako matud pa ang pagtuo sa DCPO nga anaa sa prisohan o usa ka piniriso ang taong kasabot sa mga tulak sa gawas hinungdan nga gimugna ang Oplan Durian Wall og mao kini nga operasyon ang gipatuman niadtong Domingo nga gikamatay sa upat ka piniriso og pagka kumpiska sa shabu balor sa 160,000 pesos.
Sa pikas bahin gisaysay ni Police Chief Supt. Marcelo Morales hepe sa Police Regional Office – XI nga kahinanglan pajud nga palambuon sa Bureau of Jail Management ang Penology – XI ang ilang siguridad sa prisohan. Naobserbahan matud pa nga medyo luag ang main entrance sa maong prisohan og posible gayud nga masudlan sa mga kontrabando.
