DAVAO CITY- Pormal nang gikasuhan sa Korte ang opisyal sa Bureau of Jail Management and Penology Davao del Sur kinsa nagpositibo sa paggamit ug Illegal nga Droga human gilusad ang Oplan Galugad sa Davao City Jail niadtong Sabado sa buntag. Kasong pagsupak sa Section 12 ug Section 15 sa Republic Act 9165 kun Comprehensive Dangerous Drugs Act of 2002 Â ang giatubang sa dinakpan.
Sumala pa ni PDEA-Davao director Antonio Rivera, nga niadtong Martes, Pebrero 26 ning tuiga, gipailawom na sa summary inquest proceedings sa piskalya si jail Chief Inspector Roman Hernandez.
Nasayran pa gikan ni Revira nga dili lamang kasong kriminal ang giatubang ni Hernandez apil na ang kasong administratibo nga ipasaka kaniya sa ahensya diin siya konektado.
Kahinumdoman nga atol sa gilusad nga Oplan Galugad, gihimo usab ang random drug test sa Davao City Jail diin migula nga walo ka mga priso ang nagpositibo ug ika-siyam mao si Hernandez.