Traffic Light Control Box, Repaired

Back to normal operation na an traffic lights sa tuyo ka mga intersection sa syudad. Kini tapos narepair ni Engr. Josue E. Balicog na taga-SURNECO kaina alas 10:30 sa buntag, Marso 3, 2021.

Rason na kini nadaut sumaya pa sa taga traffic: “Tagkubi-kubi nan isa ka mamanwa an control box na didto nag short circuit.”

Waya dajon ini ma-check up ni Engr. Balicog tungod sa ka-busy nidja sa trabaho. An pagrepair wayay bayad sanan idja ini tabang sa ato syudad aron mabalik sa normal operation an traffic lights.

Sa waya pa ini ma-repair, may duha ka driver an sumaya pa hapit magsumbagay dihang waya niini i-abante an idja sakyanan sa rason na waya pa mag green light. Taud taud ini nadaut diin an puya sanan yellow lamang an mosiga. (RPN DXKS Surigao)