Nagpabilin sa police detention an suspect sa pagpandunggab sa upat ka mga kaubanang pasahero sa gisakyang van human kini naghangyo sa preliminary investigation sa duha ka kasong giatubang na frustrated murder sanan violation sa R.A. 9165.
Si Danilo Nalasa Agbu, 44 anyos na construction worker, minyo ug taga 877 MRR Track, Mandaluyong City mipili na magpabilin siya sa police detention custody samtang ipahigayon ang preliminary investigation sa iyang duha ka kaso.
Kahinumduman niadtong Marso 1, 2021 sa may alas 8:55 sa gabii, gidala sa Surigao City PNP ni PSSg Alexander Pederi an suspect human siya madakpi sa kasong pagpandunggab sa upat ka kaubanang mga pasahero nga sila si Donald Natividad Legarde, 18 anyos ulitawo na taga Montevista, Compostela Valley; Ricky Beñan, 50 anyos minyo na taga-Davao City; Constantino Febrero, 56 anyos minyo nga taga Taganito Claver, Surigao del Norte; ug Ma. Cristina Ysalina, 63 anyos minyo na taga Jerome Adlaw Village, Davao City.
Basi sa imbestigasyon, mga alas 8:45 sa gabii sa Marso 1, 2021 diha sa kalsada sa Purok 4, Barangay Lipata, Surigao City, ang kapulisan sa Surigao City Police Station, Surigao del Norte Maritime Police, kauban ang Surigao City Coast Guard, miresponde sila sa stabbing incident ug naaresto ang suspetsado.
Ang mga biktima kauban sa suspect isip mga pasahero sa Nissan Urban NV350 biyahe paingon Davao City. Kalit lang mibunot sa cutter si Danilo ug gipanglubà sila Donald, Ricky, Constantino ug Ma. Cristina. Ang upat pulos nasamdan ug daling narespondehan sa mga rescuers sa Quick Response Team (QRT) sa City Mayors Office dajon gihatud sa Caraga Regional Hospital.
Sa presinto sa kapulisan, gisusi ang lawas sa suspect ug didto nakuhaan sab kini ug gamay nga brown envelope nga may sulod nga marijuana nga mitimbang sa 6 gramos ug mobalor sa 1,500 pesos.
Kahapon ang tulo ka biktima human nakagawas sa hospital waya na moprosegir pagpasaka ug kaso ug mipauli na sa Davao. Si Febrero nga taga Claver mao na lamang ang mipadayon pagkaso sa suspect.
Sa panig sa suspetsadong si Danilo Agbu, kini nagkanayon nga pauli na siya sa probinsiya nga masulub-on, walay kaon human nagbuwag sa iyang asawa. Sumala sa imbestigador nga si Police Corporal Fred C. Carba-at nga tagtuohang may depression ang suspect dihang nabuhat niya ang krimen.
(RPN DXKS Surigao)