Nasakripisyo karon ang paningkamot sa Capitolyo-Probinsyal sa pagpugong sa pagkuyanap sa Covid-19 sa Misamis Oriental human ang korte mipagula sa temporary restraining order sa pagpatuman sa ilang budget karong tuiga gumikan sa mga pangutana nga gipagula sa mga oposisyon.
Kagahapon usa ka press conference ang gipatawag ni Gov. Bambi Emano aron ipasabot ang epekto sa maong court order sa mga buluhanton sa kapitolyo aron pagsanta sa virus nga nakaapektar na sa moabot 13 ka mga misamisnon. Sa kabahin sa spokesman sa provincial inter-agency task force on Covid-19, Atty Jeffrey Saclot, siya misugilon nga dako kaayog epekto ang maong TRO sa ilang pagrespondi sa maong krisis.
Ang petition alang sa TRO gikatahong gisubmitir sa korte niadtong biyernes ni Vice Gov Jeremy Jonahmar Pelaez ug Provincial Member Jessa Mugot ug Jerry Khu. Ang TRO gipagula sa Branch 23 sa Regional Trial Court sa Misamis Oriental niadtong adlawng Lunes.