Nahuman na ug gi turn-over ang 1.3Million nga kantidad na gate, covered pathway ug dental trough na proyekto nan Taganito HPAL Nickel Corporation (THPAL) ngadto sa Taganito Elementary School.
Ang maong pagturn-over gipangunahan nan Barangay Kapitan nan Taganito na si Ruben Parpan kauban ang mga opisyales, mga representante gikan sa THPAL ug School Principal nan Taganito Elementary School, Jasmenia S. Montevirgen kauban ang mga magtutudlo.
Dugang pa niini, nakadawat usab nan 1,057 reams bondpaper gikan sa THPAL ang maong tulunghaan para sa school year 2020-2021. Ang maong mga donasyon nagamit sa pagpadajon nan modular learning nan 871 ka mga estudyante diin padajon an pagprint sa mga modyuls na gipanhatag sa mga kabataan.
Dako an pasalamat nan mga magtutdlo ug mga ginikanan ngadto sa mga kompanya tungod kay luyo sa pandemya daya sa COVID-19 nga gisagubang karon, kanunay ang maong mga kompanya nagpaluyo sa mga panginahanglan kabahin sa kalambuan sa edukasyon alang sa mga kabataan. Kini nga mga proyekto gigahin gikan sa pondo sa Social Development and Management Program o SDMP nan kompanya.
(THPAL PR via GPC & JSM)