Iriga City – Nagbaha an nagpapa-abot nin pakikidumamay sa nabayaan na pamilya ni dating Pres. Benigno “ Noynoy” Aquino matapos na makompirmar na binawian nan in buhay duman Capitol Medical Center pasado alas 6:00 nin aga huli sa renal disease secondary to diabetes.
Poon sa ordinaryong namamanwaan hasta sa mga eleihidong opisyal, mayaman sagkod mga tios an nabigla sa nangyari sa dating presidente.
Inot kaini, si Alcalde Madel Yorobe Alfelor nagsabi na dai niya malilingawan an iwinalat na legacy ni Pinoy huli sa pagigin kaalyado kan saindang pamilya poon pa sa saiyang lolo na si dating Gov. Felix Alfelor Sr, hasta sa ama na si dating Cong. Boboy Alfelor sagkod sa huring henerasyon kan pamilya.
Ibinugtak naman sa half-mast an gabos na bandera sa mga opisina cuidad asin sa probinsya.
Si Gov. Chiz Escudero kan Sorsogon nagpaluwas tulos nin EO 17-2021 sa sinambit ng katuyuhan kasabay kan pagsabi na sarong kawaran sa mga Bicolano an pamama-aram sa kinaban kan dating Presidente kasunod kan pagbisto sap ag-alay kan buhay kaini sa mga Pilipino.
Inot kaini, sinda alcalde Tomas Bongalonta Jr. kan Pili, Camarines Sur asin Mayor Nelson Legacion kan cuidad nin Naga an nagpahayag nin kamunduan sa pagka-gadan ni Pinoy.
(Melvin F. Barayoga, RPN DZKI Iriga OIC)
