Kinumpirma ng Bureau of Immigration (BI) na nakalabas na ng bansa ang tinaguriang “drug queen” sa Maynila.
Ito ay batay sa travel records ng ahensiya, kung saan sinabi ni Immigration Spokesperson Dana Sandoval na kamakailan lamang ng magtungo si Guia Gomez-Castro sa Thailand.
Paliwanag ni Sandoval, wala naman kasing Hold Departure Order laban kay Castro kaya’t malaya itong naka-alis ng Pilipinas.
Matatandaang, tinukoy mismo ni Manila Police District Chief Brig. Gen. Vicente Danao si Castro bilang ang ‘drug queen’ na bumibili ng recycled drugs sa mga ‘ninja cops’.