Cagayan de Oro – GIMUGNA NI Cagayan de Oro, gimugna ni Mayor Rolando “Klarex” Uy pinaagi sa executive order ang Task Force El Nino sa tinguha nga masulosyonan ang posibleng kadaot sa agrikultura tungod sa nasinating epekto sa El Nino phenomenon sa nasud.
Nalatid sa Executive Order 127-2024 ni Mayor Klarex ang paglangkob sa Office of Civil Defense 10 nga maoy mohatag og technical support sa task force alayon usab sa gimugna nga Roadmap to Adress the Impact of El Nino (RAIN) sa national level aron malikayan ang grabeng epekto sa hulaw dili lamang sa agrikultura, apan lakip usab sa panlawas, seguridad ug enerhiya nga mao ang pagkunhod sa level sa tubig ug kadaot sa kinaiyahan.
Lakip sa nalatid sa maong executive order ang pagmugna og El Nino Online Platform nga magsilbing repository sa mga datos ingon man interactive maps ug mga mahinungdanong research kalabot na sa El Nino.
Gitudlo ni Mayor Klarex si CDRRM Officer Nick Jabagat isip co-chairperson niini ug gilangkoban usab sa mga buhatan sa City Local Environment and Natural Resources Office (Clenro), Agricultural Productivity Office (APO), City Engineering Office (CEO), City Planning and Development Office (CPDO), Office of Building Official (OBO), City Management Information System, City Social Welfare and Development Office (CSWDO), Community Affairs Office, City Health Office, City Budget ug City Legal Office.
News and photo courtesy of CIO CDO