- Advertisement -
Usa ka malampuson na buy-bust operation ang gihimo sa Mandaue City Police Office batok sa usa ka tigpayuhot og ginadiling drugas.
Pasado alas 10:50 kagabii, Marso 20, 2024 gilusad ang maong operation didto sa Sitio Abra, Barangay Alang-Alang, Dakbayan sa Mandaue.
Ang nasikop giila na mao si Rhandel Cardenas Rizon, alyas “Anden”, 36 anyos, ulitawo nagpuyo rapud sa maong lugar.
Mga binultong shabu ang nakuha sa iyang position na adunay timbang na 100 gramos ug standard drug value na P680,000.00.
Sa inbestigasyon nasayran na si Rizon nalakip sa High Value Individual na tigbaligya og ginadiling drugas.
Sa pagkakaron giandam na ang kasong kalapasan sa R.A. 9165. (Renante Socia Lada)
- Advertisement -