Gibana-bana nga mokabat sa P50-M nga kantidad sa mga fishing paraphernalia ug mga isda ang nakompiska, sa gipahigayong
Anti-Illegal Fishing Operation sa mga personahe sa Sirawai Municipal Police Station kauban ang Sirawai Municipal Fisheries, Bantay Dagat ug 905th MC-RMB9 didto sa Brgy. Piacan, Sirawai, Zamboanga del Norte mga alas 4:32 sa kaadlawon niadtong Marso 17, 2024.
Ang operasyon miresulta sa pagkasikop sa duha ka lalaki nga, anaa sa legal nga edad, nga nakalapas sa Sec 61 ug Sec 65 sa Municipal Fishery Ordinance No. 01-A, S. of 2002.
Nakumpiska gikan sa mga suspek atol sa operasyon ang usa ka Catching Vessel F/V Jennifer Joy 8, usa ka Carrier Vessel F/V AIKEN KLAE 8, fishing paraphernalia, ug 2,000 kilos nga timbang sa Tamban nga isda.
Ang mga dinakpan gipahibalo sa ilang konstitusyonal nga katungod pareho nga Miranda Warning ug Anti-Tortue Law ug gidala ngadto sa Municipal Fisheries Officer sa Sirawai alang sa saktong disposisyon. (Medalyn U. Borja)
(Source: PCADU, Zamboanga del Norte Police Provincial Office)
