- Advertisement -
Gidakop sa Alegria PNP ang tank truck driver sa kasong Qualified Theft niadtong Martes, Hulyo 7 sa may mga alas 11:00 sa kagabhion didto sa P-6, Brgy. Pongtud, Alegria, Surigao del Norte.
Naila ang suspetsado nga mao si MARLON ALANANO SAYSON, 34 anyos, minyo, ug lumulupyo sa San Vicente YCF Agdao, Davao City.
Sumala pa, aktong nasakpan sa mga nakaduty nga field monitoring personnel sa Phoenix company ang maong suspetsadong driver nga nagbalhin ug krudo ngadto sa laing tanker truck, diin ila usab nga namatikdan ang duha (2) ka drained valve sa tanker nga nangaabli na. (Jun Prex Salubre, Ronda 6 RPN DXKS)
- Advertisement -
