Arestado sa gihimong pagpatrolya sa intelligence personnel sa Dapa Municipal Police Station ang driver ug kaubanan niini sa itom nga Bajaj 125 motorsiklo human napakyas sa pagpakita ug mga dokumento sa pagkarga ug mga ginabas nga kahoy kagahapong adlawa sa may mga alas 5:41 sa kabuntagon didto sa dalan Punta Kawit 2, Brgy. 1, Poblacion, Dapa, Surigao del Norte nga wala usab Certificate of Registration ug Official Receipt.
Naila ang mga naaresto nga mao sila ni RAYMUNDO ESCAUSO SUMAYLO alyas Jan-jan, 27 anyos, ulitawo, wala’y trabaho, lumulupyo sa Brgy. 10, Poblacion, Dapa isip backrider; ug usa ka menor de edad nga driver sa motorsiklo nga lumulupyo sa Brgy. 1, Poblacion, Dapa.
Gawas sa motorsiklo, nakuha usab gikan sa ilang possession ug control ang 21 ka 2x3x8; ug 2 ka 2x2x8 nga aduna’y estimated total nga 86.6 board feet nagkantidad ₱3,122.00.
Ang menor de edad nga driver giturn-over ngadto sa Women and Children’s Protection Desk (WCPD) sa kapulisan samtang si Mr. Sumaylo ug ang mga ebidensya ang gikatakda usab nga iturn-over ngadto sa buhatan sa DENR Dapa. (Jun Prex Salubre, Ronda 6 RPN DXKS)
Â