Tangkang pagpuslit ng 6 na katao sa Batangas Port bistado

Napigilan ng mga otoridad ang tangkang pagpuslit ng anim na mga construction workers sa Batangas Port.

Ito ay matapos na maharang ng mga otoridad ang isang ambulansiya na may lulan na anim na construction worker sa Batangas Port dakong 3:00 ng madaling araw, kanina.

Sa isang panayam, sinabi ni Joselito Sinocruz, Manager ng Batangas Port na papunta sanang Occidental Mindoro ang naturang ambulansiya.

Sa ngayon, muling pinaalalahanan ni Sinocruz na tanging ang mga otorisadong tao lamang ang papayagan nilang makabiyahe alinsunod na rin aniya sa panuntunan ng Inter Agency Task Force (IATF).