Taiwan magdo-donate ng 300,000 face masks sa Pilipinas

Magdodonate ng 300,000 face masks ang gobyerno ng Taiwan sa bansa.

Ito ay bilang bahagi ng pagtutulungan ng buong mundo na malabanan ang coronavirus disease 2019 (COVID-19).

Ayon sa Taipei’s Economic and Cultural Office sa Maynila, ang shipment ng 300,000 face masks ay nakatakdang dumating sa bansa sa pamamagitan ng Eva Air Flight ngayon araw ng Huwebes,ika-15 ng Abril.

Samantala, bukod sa Pilipinas, makatatanggap din ng 100,000 hanggang 300,000 face masks ang mga bansang Indonesia, Malaysia, Singapore, Vietnam at India.