- Advertisement -
Sumampa na sa 941 ang kumpirmadong kaso ng coronavirus disease 2019 (COVID-19) sa Quezon City.
Ayon sa pamahalaang lungsod ng Quezon City, mula sa kabuuang bilang, 786 dito ang kumpirmadong kaso na may kumpletong address habang ang 155 namang kaso ay nananatiling vinavalidate ng QC Epidemiology and Surveillance Unit at district health offices.
Samantala, nadagdagan naman ng panibagong limang kaso ng pagkasawi sa lungsod dahil sa COVID-19 dahilan para umakyat sa 75 ang kabuuang death toll.
Gayunman, muli namang nakapagtala ang Quezon City ng anim na panibagong pasyente na naka-recover sa sakit dahilan para umakyat sa 70 ang kabuuang bilang ng gumaling sa COVID-19.
- Advertisement -