29 C
Manila
Friday, February 23, 2024

Tagduma Sa Carbon Market Mitagam Sa Nahitabong Pagpunsisok Sa Miaging Semana Santa

- Advertisement -

Cebu City – Nagsugod na ang tagdumala sa Carbon market sa dakbayan sa Sugbo pagplano unsay mga lakang nga sarang himoon aron segurong matuman ang health protocols panahon sa Semana Santa.

Suma pa sa pangu sa MOD o Market Operations Division, Irvin Caballes, mitagam na sila sa miaging tuig diin nagpunsisok sa Carbon ang mga tawo pagka Huwebes Santo kay namalit og mga sagol sa binignit nga ilang lutoon sa Biyernes Santo.

Kining binignit ang naandang lutoon sa katawhan matag Semana Santa ug naa usay uban nga maglana kay ginaingon man nga makatambal ang lana nga hinimo sa Biyernes Santo.

Matod ni Cabales, ang iyang buhatan nagsugod na pagpahimangno sa mga manindahay pagbantay sa ilang mga customer ug iseguro nga matuman ang minimum health standards.

Hugot usab nga gipatuman sa Carbon ang one-entrance-one-exit policy diin ang ubang lutsanan pabiling serado.

Samtang ang EOC o Emergency Operations Center gitakdang makigtagbo sa Archdiocese of Cebu, Philippine National Police ug kang Konsehal Phillip Zafra, ang tsirman sa committee on public order, aron pagtuki sa mga pamaagi nga subayon sa panahon sa mga Mahal nga Adlaw. (Jhon Tadlip/JTY)

(Source: Market Operations Division-Cebu City, photo courtesy of Carbon Market Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -