Maitum, Sarangani Province – Dungan sa pagbisita ni Deputy Speaker Ug Sarangani Province Congressman Ruel Pacquiao sa iyahang mga proyekto sa MaKiMa (Maasim, Kiamba, Maitum), personal usab niyang gibisita ang mga nag – unang tourist attractions sa Maitum, Sarangani Province.
Kini mao ang Pawikan Sanctuary/Pawikan Information and Research Center nga anaa sa Barangay Kiambing Nanguna ang kongresista sa pagbutang sa itlog sa Pawikan, sa ilang pangitlugan. Misaad usab si Congressman Ruel og dugang budget alang sa pagpalambo pa sa maong lugar.
Giadtuan usab niini ang Diomrie Farm sa may Barangay Sison, Maitum aron nga personal nga bisitahon ang locally produced chocolate ug ‘sikwati’. Kini nga mga produkto ang gama sa mga lokal nga residente nga miyembro sa coop sa Maitum.
Halos sa ₱ 17-mil ang napalit ni Congressman Pacquiao sa mga produktong chocolates sa maong tindahan gawas pa sa tanom nga gipalit niini, nga dul-an ₱ 20-mil nga tanom usab sa mga miyembro.
Misaad ang Deputy Speaker alang sa iyahang hinabang alang sa pagpalambo pa sa maong negosyo sa mga locals sa Maitum. (John Rey Somido)
