TAAS NGA REHISTRASYON SA ID SYSTEM GILAUMAN SA PSA

GALAOM ang Philippine Statistics Authority (PSA) sa Region 12 (Soccsksargen) nga taas ang ihap sa magparehistro sa ID system o gitawag nga Philippine Identification System. Segon pa ni Atty. Maqtahar Manulon, PSA-Region 12 director, sa kasamtangan anaa na sa 190,889 household heads ang nalista sa ilang field units pinaagi sa house-to-house registration. Kahinomdoman nga niadtong Agosto 2018 gipirmahan ni Pangulong Rodrigo Duterte ang Republic Act 11055 o Philippine Identification System Act sa tumong nga maka-establisar og ‘SINGLE NATIONAL ID sa matag Filipino ug langyaw nga nagpuyo sa usa ka lugar nga pwedeng magamit sa tanang transaksyon sa goberno.