Sa pagselebrar ng Farmers and Fisherfolks Month sa siyudad, ang City Agriculture Office nagpahigayon nan tabo-tabo sa City Hall.
Kari kamo diri sa City Hall Compound, sa may City Cultural Center sanan LandBank of the Philippines, kay daghan ang presko sanan barato na mga baligya! Taman pa ang tabo silom, Mayo 9, 2024.
Makapili kamo nan presko na gulay, isda, prutas, sanan iban pa na mga local products. Jaun sab ang Surigao Lettuce Hub, Hugpong Balibayon Fishermen Cooperative, Brgy. Sukailang Hugpong Farmers Association, sanan Brgy. Silop Integrated Farmers Association.
Kada tuig ato tagselebrar sa komunidad an Farmers and Fisherfolks Month na tagpangunahan nan City Agriculture Office sa initiyatibo ni Acting City Agriculturist Amelita N. Dela Cerna. (Mark James Lisondra)
(Source: Surigao City PIO)