Sa pagpadajon nan programa ni City Mayor Pablo Yves L. Dumlao II na People’s Day, tagdaya na sab ang mga libreng serbisyo didto sa Brgy. Nabago, kuman na adlaw, Mayo 7, 2024.
Bisan pa masuga sanan init ang panahon, 1,106 ka tawo ang nipila sanan nitunga para makadawat nan lain lain na serbisyo sa Peoples Day Year 2 sa Brgy. Nabago.
Dili ra kung check up para sa kalawasan ang natagamtam nan mga kabaranggayon nato sa Nabago. Apil na sab nila napatan-aw ang ila mga mata sa libreng serbisyo sanan libreng reading glasses nan Surigao Optometric Society.
Ang City Disaster Risk Reduction and Management Office, naghatag sab nan libreng workshop sa Basic CPR Training para sa mga barangay staff sanan kabatan-onan.
Ang Public Employment and Skills Development Office, nakatabang sa mga katawhan na jauy mga pangutana sanan inquiries kabahin sa mga Job Vaccancies ug Livelihood programs.
Didto sab ang City Social Welfare and Development Office para makahatag nan assistance sa mga senior citizens, solo parents, sanan PWDs.
Mitambong sanan mihatag nan ila mga mensahe si City Vice Mayor Alfonso Casurra, City Councilor Baltazar Abian, City Councilor Karl Duane Casurra, SK Federated President Jenelyn Edulzura, City Legal Officer Atty. Lex Silvosa sanan Brgy. Captain nan Brgy. Washington Christopher Boyet Bonite.
Sa pag welcome message ni Kapitan Alberto Abaa, an kapitan nan Brgy. Nabago, dako an ija pasalamat sa programa ni Mayor Paul Dumlao kay hamok sa ija mga kabaranggayon ang maka benepisyo sanan sa ika-duha na tuig nan People’s Day program mas hamok pa na serbisyo an tagdaya didto sa ila barangay. (Mark James Lisondra)
(Source: Surigao City PIO)