Brgy. Poctoy na sab an naka experience nan People’s Day program gikan sa City Government kahapon, Agosto 18, 2023.
Suportado gihapon si City Councilor Baltazar Abian, sanan City Councilor Christopher Bonite sa programang People’s Day nga nagpasabot kun uno an katujoan nan People’s Day ug nakigduyog sa pagpanhatag nan serbisyo sa katawhan.
Malipayon karadjaw an mga senior citizen nga nakalibre nan klase klase na serbisyo. Bisan paman na maglisud na ug tindog, sanan pagpanaw an mga lolo, lola na mga senior citizens, natagaan nan libreng medical consultation, libreng tambay, libreng eye check-up sanan libreng eye glasses gikan sa departamento nan City Health Office sanan nan Surigao Optometric Association nga nakahatag nan 80 ka free eye glasses.
Alang sab sa mga kabataan na tagtuli, 40 ka mga elementary students an nalibre nan tuli, sa libreng ibot 42 an naibtan nan daot na ngipon ug human sa tuli sanan ibot sa ngipon may libreng aroskaldo na tagpakaon gikan sa Abante Surigao Coordinator nan Brgy. Poctoy isip pahalipay sa mga naibtan nan ngipon sanan natapos na pagtuli.
An mga hangyo na proyekto nan Brgy. Poctoy, nahisgotan sa mensahe ni Mayor Paul Dumlao, an pagrepair sama sa skwelahan sa elementary sanan high school, Brgy. Health Center, slaughterhouse ug uban pang proyekto sa kantidad na milyones. Sa sinugdanan na mensahe nan Mayor, gipahayag nija na importante gajud karadjaw na makatambong sanan makita nija na matagaan nan sakto na serbisyo an katawahan sa Brgy. Poctoy.
(Source: Surigao City PIO Facebook page)
