Lima ka barangay na sakop sa Hikdop Island an nakasinati nan mga libre na serbisyo nan People’s Day program ni Mayor Pablo Yves L. Dumlao II, kuman adlawa, Hulyo 18, 2023.
An Brgy. Alegria an napili na host barangay sa panguna ni Kap Leo Escopete na diin tagtambongan nan upat ka mga magsilingan na mga barangay nga sakop sa Hikdop Island, an Brgy. Bay-bay, Barangay Bilabid, Brgy. Catadman sanan Brgy. Sidlakan.
Bisan paman sa kalajo nan venue nan People’s Day sanan sa dag-om na panahon waya magdumili pagkadto an mga kabataan, mga nanay sanan tatay nga nalipay sa libreng gupit nan Philippine National Police kaiban an Rainbow Connection Organization, libreng General Check-up sanan libre na tambay sanan vitamins gani sa waya pa magsugod an programa tagpilahan na an booth nan City Health Office.
Sa kabusy sa skedyul nan Mayor mas tagtagaan nija nan priyoridad na mabisita an lima ka barangay matud pa sa mensahe ni Mayor Paul Dumlao, nalipay sija tungod kay waya palabja nan mga katawhan sa isla ang mga libreng serbisyo na tag daya mismo sa ila. Gi anunsyo sab sa Mayor an ongoing na mga proyekto na pagahimuon sa lima ka mga barangay.
Samtang gibalik balik nija pagpasalamat an tanang mga empleyado sa kada departmento nga naghago gikan sa pagpanhakot sanan pagpangandam nan lamesa, sanan mga tents hantod sa pagpanhatag nan serbisyo.
(Source: Surigao City PIO Facebook page)