Mubalik na ang People’s Day Program sa pagbisita sa mga lain lain na barangay para maghatag nan mga libre na serbisyo.
Kuman na adlaw sugdan an Year 2 sa ini na programa ni Mayor Pablo Yves L. Dumlao II, na himuon sa Brgy. Cantiasay, kaiban an Brgy. San Pedro.
Giawhag an mga katawhan nan Brgy. Cantiasay sanan Brgy. San Pedro sa pag tambong.
Hamok na serbisyo an pwede nijo ma avail sama sa Medical, Legal, Dental, Veterinary, Agriculture, ug kung nagkinahanglan kamo nan Assistance sama sa Burial jaun an Tingog Partylist, jaun sab ang PhilHealth, Senior Citizen, Philippine Statistics Authority, Philippine Post Office, jaun sab an Local Civil Registry para sa mga wala pa ma rehistro nan ila mga Birth Certificate, jaun sab an Public Employment & Skills Development Office para sa mga naghanap nan trabaho, kaiban sab an opisina nan Congressman District 2 sanan Provincial Governor para sa scholarships sanan iban pa.
Apil sab an Surigao Optometric Society para sa libreng check-up sa mata, an Sustainable Livelihood Program, Philippine National Police, Philippine Army sanan Rainbow Connection para sa libre pa gwapa sanan haircut, sa gusto magpa ultrasound sanan mag Family Planning, naa sab ang Family Planning Organization of the Philippines, para sab sa mga gusto magpa I.D. picture sanan magpa photocopy jaun sab ang Surigao City Public Information Office. (Mark James Lisondra)