Gidakop sa mga tinugyanan sa kapulisan sa Surigao City Police Station an isa ka suspek na nalambigit sa Roberry Upon Force Things.
Si Police Colonel Laudemer M Laude, Provincial Director, niila sa suspek na 15-anyos na lalaki, out-of-school youth, ug residente sa Purok-9, Barangay Taft, Surigao City.
Pasado alas 2:00 kagahapon sa kaadlawon, nidangop sa Surigao City Police Station an 23-anyos na layaki na construction worker, residente sa Purok 7, Barangay Balibayon, Surigao City ug nangajo ug tabang sa kapolisan.
Base sa taho, duha ka mga suspek an pugsanong nisuyod sa under construction building. Namatikdan sa trabahante gikan sa CCTV footage na an maong mga suspek misuyod sa maong lugar ug gikuha an isa (1) ka unit sa Android Cellular Phone (OPPO A6) sa kantidad P8, 000.00 ug Php7,000.00 na cash.
Nunot sa dali na pagresponde, niresponde an Surigao City Police sa maong taho. Sa pag-abot sa maong dapit, nadiskubrehan sa mirespondeng PNP personnel na naguba na an door knob sa maong buhatan na maoy nagsilbing entry ug exit point sa mga suspek.
Diha-diha mihimo ug hot pursuit operation an mga sakop sa kapulisan na miresulta sa pagkasikop sa maong suspek.
Isa sa mga suspek an naka ikyas sa pagdakop atol sa operasyon apan giila na si alyas “Intsik,” hingkod an edad, layaki, walay trabaho, Filipino, ug nagpuyo sa pareho na address.
An at-large na suspek nakaikyas bitbit sa gikawat na butang ug kwarta pasingod sa waya masayri na direksyon.
An dinakpan na menor de edad na suspek an jaon sa kustodiya sa Women and Children Protection Desk unit sa Surigao City Police Station alang sa tukmang disposisyon, pagpasaka sa tukmang kaso, ug sunod-sunod nga pagkabilanggo sa nahisgutang menor de edad na mga suspek sa Bahay Pag-asa ubos sa City Social Welfare Office.
(Mark James Lisondra)
