Arestado sa mga tinugyanan sa kapulisan sa Placer an isa ka Minero human may kasong acts of lasciviouness in relation to RA no. 7610 “Special Protection of Children Against Abuse, Exploitation, and Discrimination Act,”.
An akusado nag edad ug 24 anyos nga layaki, residente sa Brgy. Suyoc, Placer, SDN.
An akusado an may warrant of arrest ubos sa criminal case no. 17327 nga gi.isyu sa Regional Trial Court, Branch 30, Surigao City pinetsahan Pebrero 19, 2024 nga may girekomendar nga piyansa sa kantidad P36, 000 ka pesos para sa ija temporaryong kagawasan.
Sa pagkutlo sa taho gikan sa kapulisan sa Placer, an akusado nakahimo sa krimen jadton Septiyembre 24, 2023 nan duyom sa Purok-1, Tres de Mayo, Barangay Bad-as, Placer, Surigao del Norte, nga diin an biktima isa ka menor de edad nga taga Barangay Bad-as, lungsod sa Placer.
Samtang sakay an biktima sa motorsiklo sa suspek subay sa highway, kalit nga mihunong sa pagmaneho an suspek ug pag-abot sa bukid nga bahin sa kilid karsada, an suspek ni hikap sa pribadong parte sa lawas sa biktima hinungdan nga gitukmod kini sa biktima ug nijagan pasingod sa kasagbotan. Nangajo nan tabang an biktima sa isa ka nagmotorsiklo nga milabay.
Sa pagka kuman an akusado an jaon sa kustodiya sa Placer MPS. (Mark James Lisondra)