Isip pag seleberar sa Philippine Environment Month sa tema nga “Our Environment, Our Future” #Generation Restoration”, an buhatan sa City Environment and Natural Resources sa pagpanguna ni Engr. Jose Alfonso Casurra amo an host sa flag raising ceremony kagahapong adlawa sa City Hall Ground.
Mitambong an mga kadagkuang opisyal sa Surigao del Norte nga sila ni Provincial Administrator Atty. Rise Faith Recabo, maoy representante ni Governor Robert Lyndon Barbers, DENR PENRO Agapito Patubo, Provincial Environment and Natural Resources Officer Oscar Pospia, Mines and Geosciences Bureau Regional Director Engr. Larry Heradez, Chairman of Committee on Natural and Environment Resources Councilor Noel Christian Catre ug iban pa agig pagsuporta sa selebrasyon.
Dinhi tagpasabot ni Agapito Patubo sa DENR PENRO kung uno giselebrar kuman an Environment Month pinaagi sa Proclamation No. 237 nga gipirmahan ni Presidente Corason C. Aquino jadton 1988, an buyan sa Hunyo gideklarar nga Philippine Environment Month aron pagpataas sa kaamgohan sa kinaiyahan sa mga Pilipino.
Sa mensahe ni Engr. Jose Alfonso Casurra nagkanayon nga an pagselebrar agig pagpahinumdom an karajawan sa kaugmaon sa henerasyon mag depende sa kondisyon sa kinaiyahan.
Nagpadayag isab nan mensahe si Governor Robert Lyndon Barbers nga girepresentahan ni Atty. Rise Faith Recabo an Provincial Administrator nagkanayon nga an pag-atiman sa kinaiyahan maoy atong kaugmaon, an atong kaugmaon atong responsibilidad.
Mapasalamaton si Vice Mayor Alfonso Casurra sa tanan katawhan ug mga National Line Agencies human misuporta sa selebrasyon sa Philippine Environment Month.
Human sa flag raising nan hatag isab nan libre nga seedlings sama mangga, rambutan lansones ug durian an CENRO ug iban pang partners ngadto na sa katawhan. (Mark James Lisondra)