Surigao City – Si City Administrator Cristina Pariñas, City Legal Officer Atty. Lex Joshua Andrew Silvosa ug representante gikan sa DILG Emergency 911 Bernardo Delos Santos naghisgot sa mga plano sa pag-update alang sa mas episyente nga emergency response system sa Surigao City.
An tigum nagtutok sa mga update alang sa plano mahitungod sa pagbutang ug command center sa Surigao City. Pinaagi sa pag-dial sa 911, mapaabot sa mga Surigaonon an paspas ug episyente na tubag sa emerhensya kung ilusad na an proyekto.
Gipangunahan ni Mayor Paul Dumlao kining komprehensibong estratehiya aron mapataas an kapabilidad sa pagtubag sa emerhensya sa Surigao City.
Kaiban sa pag-uswag sa imprastraktura ug pag-uswag sa teknolohiya, giuna ni Mayor Dumlao an pakiglambigit sa komunidad, pagpalambo sa pakigtambayayong sa mga residente aron matukod an mga programa sa pagbantay sa kasilinganan, ug pagpahigayon sa kaylap na pagbansay sa pagpangandam sa emerhensya. (Ronda 21 Mark James Lisondra)