Claver, Surigao del Norte – An Lungsod sa Claver nga gipanguluhan ni Mayor Georgia D. Gokiangkee naka angkon na usab ug prestihiyosong pasidungog gikan sa DTI Cities and Municipalities Competitive Index (CMCI) isip pinaka-Malambo-on nga lungsod sa CARAGA (Most Competitive Municipality in Caraga), ug Top 19 sa entero nasud. An kompetisyon gi-apilan sa 510 ka 1st ug 2nd Class Municipalities sa tibuok Pilipinas.
Amo ini an mga mosunod na mga basehan sa paghatag sa pasidungog:
- Economic Dynamism (Ekonomiya sa Lungsod) – Top 1 sa Caraga; Top 21 sa Pilipinas
– Pinaagi sa maayong pagpadagan sa administrasyon nga gipanguluhan ni Mayor Georgia D. Gokiangkee, ang Claver maoy nahimong simbolo sa progresibo nga ekonomiya, paglambo sa mga panginabuhi-an, pagpasulod ug mga investments, ug naghatag ug mga oportunidad sa trabaho alang sa mga lunsuranong Clavernon.
- Government Efficiency (Pagdumala sa Gobyerno) – Top 1 sa Caraga; Top 18 sa Pilipinas
– Pinaagi sa mga simpli ug pinadali nga proseso, transparency, ug responsableng pang gamhanan, ang administrasyon sa Claver nga gidumala ni Mayor Georgia D. Gokiangkee gisiguro ang epektibo ug klarong serbisyo sa LGU Claver ngadto sa mga Clavernon.
- Infrastructure (Imprastraktura sa Lungsod) – Top 1 sa Caraga; Top 73 sa Pilipinas
– Gikan sa mga dalan ug sa ubang mga pasilidad sa lungsod, ang Claver maoy nahimong modelo sa ubang lungsod tungod sa paghatag ug prioridad sa mga proyekto nga gikinahanglan sa mga Clavernon.
- Innovation (Inobatibo nga Teknolohiya sa Lungsod) – Top 1 sa Caraga; Top 28 sa Pilipinas
– Ang pagpadayon sa mga inobatibong inisyatibo ug ang pagsalig sa bag-ong mga ideya ug teknolohiya nagahatag og kasigurohan nga ang Claver magpadayon sa kalamboan ug progreso.
Kini nagpa matuod lamang sa dedikasyon sa pagpanerbesyo ug liderato ni Mayor Georgia D. Gokiangkee iban sa ija administrasyon aron mapalambo an lungsod ingon man ang pag-asenso sa mga lungsoranong Clavernon. Padayon ta na suportahan ang mga proyekto sa LGU Claver ug atong ipasigarbo ang mga kalamposan nga nakab-ot sa lungsod sa Claver. (Ronda 21 Mark James Lisondra)