Surigao City – Nasikop sa PDEA Agents sa Surigao del Norte Provincial Office sa hiniusang buy bust operation sa SDNPPO-PDEU, Claver MPS, ug 30IB sa Philippine Army si Rodelo A. Lumamba, 41 anyos na high value target na nagtrabaho isip checker sa TPSI.
An pagkasikop gihimo kuman alas 6:45 sa buntag sa Purok 4, Brgy. Tayaga, Claver, Surigao del Norte.
Nakompiskar gikan sa posisyon sa susoek an isa (1) ka piraso na heat-sealed transparent plastic sachet na jaoy kapin o kuyang 10 gramos na shabu na nagkantidad ug ₱70,000 an napalit sa poseur-buyer.
Laing 10 ka mga heat-sealed transparent plastic sachet na jaoy gibug-aton sa kapin o kuyang 100 gramos na shabu o balor ₱700,000 an nasakmit gikan sa possession sa suspek.
An mga non-drug evidence na nakumpiska amo an disposable lighter, bamboo sealer, 2 ka rolyo na aluminum foil, isa ka gunting, 2 ka piraso sa kulubot na aluminum foil, identification card, cash money na mokabat sa isa ka libo lima ka gatos ka pesos lamang, 1 ka unit nga Infinix Android phone, 1 ka piraso na one-thousand-peso bill genuine mark money na jaoy serial number E3336944 ug an 69 ka piraso na one-thousand-peso bill boodle money.
Mag-atubang ug kaso an suspek sa paglapas sa Seksyon 5, 11, ug 12 Art. II sa RA 9165. (Ronda 21 Mark James Lisondra)