Gisugdan na ang pagtukod ug paghimo sa mga balay sa Angat Buhay sa Kalikasang Buhay Village bisan pa sa kakusog sa ulan karong adlawa, 09 March 2022 sa Barangay Cuarinta, San Jose.
Usa ka bulan gikan sa gihimong groundbreaking ceremony niadtong, 05 February 2022 nga gitambungan mismo ni Vice President Leni Robredo na mao’y nagsiguro ug naghatag og pondo pinaagi sa iyang partner nga private sector ug civil society organizations na mao ang Tanging Yaman Foundation, Assisi Development Foundation, ug BALAOD Mindanaw.
Diin sulod sa usa ka bulan gihimo sa Provincial Government pinaagi sa Provincial Engineering Office ug #BayanihanDinagat recovery team ang ground preparation, lakip na niini ang pagplastar ug pagpatag sa luna nga pahimutangan sa mga balay aron nga masiguro ang luwas ug haom sa gitinguhang resilient houses.
Pipila sa mga rason nga makonsidera sa pagsugod niini nga proyekto ang pagpangayo og permit sa Department of Environment and Natural Resources (DENR) ug pag prosseso ug procure sa mga gamiton nga mga materyales sa pagtukod og balay.
Determinado ang mga lumilihok diri sa Angat Buhay sa Kalikasang Buhay Village kauban ang #BayanihanDinagat recovery team nga humanon kini sa tukmang panahon.
(Source: Dinagat Islands Provincial Information Office Facebook page)
