Duha ka mga guwardiya nga nadestino sa Payawan Dos, Brgy. Luna an mikuyog sa kapulisan ug gidala sa presinto an isa ka layaki nga suspect sa paglangkat sanan pagguba sa tarpaulin sa UMRC.
Kini nahitabo kagabii, alas 9:30 sa Marso 2, 2022 sumala sa reklamo nila Jaymark Galola Macales, 26 anyos ulitawo nga taga Purok 1 Karihatag, Malimono ug Expedito H. Fideles Jr., minyo taga Alegria, Surigao del Norte. Ilang gidala sa Surigao City Police Station ang suspetsado nga si Edmond Rivero Arriba Jr., 26 anyos ulitawo nga driver ug anaa magpuyo sa Payawan 2, Brgy. Luna, Surigao City. Ang insidente sa kasong Malicious Mischief nahitabo sa alas 8:30 kagabii sa maong lugar.
Basi sa sumbong sa duha ka guwardiya nga duty sila sa UMRC land area ug nakita nila sa akto si Edmond kaiban an isa ka Nelson Cortes nga milaksi ug miguba sa tarpaulin nga iya sa UMRC nga dunay marka nga “UMRC PROPERTY.”
Dinhing bahina gidakop nila SG Macales ug SG Fideles Jr, ang duha apan nakaikyas si Nelson Cortes.
Pahayag sa suspetsadong si Arriba nga tungod sa kasuko nabuhat niya kini ilabina nga sila nahasolan sa mga nag-standby na guard sa ilang area.
Nagreact isab an mga residente sa maong lugar nga dili kon ang guwardiya ang nagdala kan Arriba sa presinto sa kapulisan kondili mga police. Gikahibudngan isab nila nganong kadali man ang pagdakop dayon kaniya. Sa interview kang Ramil Suhian, Presidente sa Payawan Dos Urban Poor Organization, sigon sa testimonya sa nakasaksi sa panghitabo, dili si Arriba ang mihimo sa pagguba sa tarpaulin kondili siya pa gani ang mitabang sa pagrepair niini. (RPN DXKS via Surigao City PNP FOI PEMS JTS)