Personal na tagduhoy ni City Mayor Paul Dumlao an tabang gikan sa Lokal na Panggamhanan para sa mga residente nan siyudad na naapektuhan sa TS Kristine, kuman na adlaw, Octubre 23, 2024.
121 ka pamilya gikan sa Badjao Community, 41 ka pamilya sa Mabua, 8 ka pamilya sa Sabang, 6 ka pamilya sa Washington, sanan 13 ka pamilya sa Cagniog an nakadawat nan E-Balde na jauy suyod na bugas, mga delata, sanan hygiene kit. Nakadawat sab an mga pamilya nan isa ka karton na Relief Supplies sa pakigtambayayong nan Cswdo SurigaoCity sa Department of Social Welfare and Development Surigao del Norte.
An mga evacuees didto sa Mabua, nakadawat sab nan modular tents para masiguro na hapsay an ila temporaryo na paghuya sa evacuation center.
Programa sab ini nan City Social Welfare and Development Office sa pagpanguna ni CSWD Officer Lenie S. Liray nga “Assistance From The People of Surigao” para matabangan an ato mga kaigsoonang Surigaonon hilabi na kung jaoy kalamidad sa siyudad.
Mitambong sab sa distribusyon si Assistant CSWD Officer Mark Caven Salar, Brgy. Mabua Captain Greg Gorgod, Brgy. Sabang Captain Arnel Delan, Brgy. Washington Captain Christopher Bonite, ug Brgy. Cagniog Captain Romelo Ortiz.
Gipaabot sab ni Mayor Dumlao an ija mensahe sa mga Batang Surigaonon na maningkamot pa an Lokal na Panggamhanan sa paghatag nan lain lain na mga programa para masuportahan an tanan Batang Surigaonon samot na sa panahon nan kalamidad.
(Source: Surigao City PIO)