General Santos City – 327 ka benepisyaryo sa Pantawid Pamilyang Pilipino Program (4Ps) sa Lungsod sa Polomolok, miuswag ang kahimtang sa kinabuhi.
Sa Pugay Tagumpay nga gilusad sa Lungsod sa Polomolok South Cotabato, ang 327 ka graduating member-beneficiaries sa 4Ps pormal nga gi-endorso ngadto sa Lokal nga Gobyerno.
Usa sa mga sakop sa grupo sa 4Ps mao si Glenda O. De Guzman, kinsa malipayong mipaambit sa kalampusan nga iyang nakab-ot sa kinabuhi human nakagradwar ang iyang 4 ka mga anak ug aduna nay kaugalingong trabaho.
“Nagtabang na sila sa mga galastohan sa panimalay ug nagtabang sab sila sa ilang duha ka igsuon sa pagtuon,” ni Aling Glenda.
Gikompirmar ni Dir. Loreto Jr. V. Cabaya nga nunot sa Pugay Tagumpay, adunay kapin sa 1,000 ka mga panimalay ang gipaabot nga ilisan sa programa alang sa gitakdang 12 ka mga benepisyaryo.
“Sa matag pamilya nga mogradwar, duna tay ilisan nga mas daghan,” matod ni Dir. Capaya.
Misalmot usab sa seremonyas sila si Retired General Gerry Barrientos, ang Municipal Administrator sa Polomolok, Vice Mayor Melchor Jutar, Municipal Social Welfare and Development Officer Gretchen Fatima Fowler, RSW ug uban pang opisyal sa gobyerno.