Kuman na adlaw, Hunyo 4, 2024, tagpahigayon ang ika-74 na graduation sa mga ni avail sa training o programa nan Technical Education and Skills Development Authority (TESDA) pinaagi sa Livelihood Training and Productivity Center (LTPC) nan Lokal na Panggamhanan.
143 ang nag malampusong mi gradwar gikan sa nagkalain-laing kurso sama sa Cookery NC II, Basic Micro Computer Servicing, Dressmaking NC II, Electrical Installation and Maintenance NC II, Driving NC II, Basic Computer Education, Slaughtering Operations (SWINE), sanan Shielded Metal Arc Welding NC I.
Inin mga programa nan TESDA, na tagsuportahan ni City Mayor Pablo Yves L. Dumlao II, isa ka dako na lakang para makatabang sa mga Batang Surigaonon na gusto makahanap nan panginabuhi sanan madugangan ang ila mga kwalipikasyon o kahanas sa ila mga isip sudlon na trabaho.
Didto mitambong sa seremonya si City Vice Mayor Alfonso S. Casurra, Surpervising TESDA Specialist Buenafe G. Enaya, sanan LTPC Center Head/PESDO Manager Arciazel L. Lagrama. (Mark James Lisondra)
(Source: Surigao City PIO)