Minilyon ug binulto na usab nga ginadiling drugas ang nasakmit sa Police Regional Office (PRO-7) sa usa ka semana nga operasyon, sugod niadtong Mayo 26, 2024.
Ang maong operasyon naglakip usab sa tanang matang sa kriminalidad lukop rehiyon 7.
Sa kinatibuk-an nikabat sa 8,349.84 gramos sa ginadiling drugas ug standard drug value nga P56,778,912.00, ug pagkasikop sa 148 ka mga suspetsado sa ginadiling drugas.
Gidayeg ug gipasalamatan ni PBGen. Anthony Aberin ang iyang mga sakop sa padayong kampanya batok ginadiling drugas nga naglihok sa rehiyon 7.
Nikabat usab sa 208 ka mga suspetsado sa ilegal nga sugal ang napusasan sa kapulisan ug P126,610.00 nga kwarta ang ilang nasakmit nga gisugal.
Niabot usab sa 7 ka mga suspetsado ang nasikop nga nagkupot og 90 ka mga dili lisensyadong armas de fuego.
Samtang sa pagpatuman sa court-issued Warrant of Arrest, niabot sa 97 ka mga pinangita sa balaod ang ilang nasikop nga anaa na karon sa kustodiya sa kapulisan.
“By now, illegal drug traffickers know of the extent of our aggressiveness against illegal drugs and all forms of criminality. This is a non-stop, no-none sense and uncompromising campaign against criminality backed-up by a supportive community pursuant to the institutionalization of the BIDA Program of SILG Atty. Benjamin Abalos Jr.,” segon PBGen Aberin. (Renante Socia Lada)