Ang bag-ohay nga koordinasyon nga mga paningkamot sa pagpatuman sa balaod sa pwersa sa kapulisan sa PRO7 misangpot sa pagkakumpiska sa ilegal nga drugas nga gibana-bana nga mobalor sa P6 milyones ug pagkasikop sa 241 ka mga indibidwal nga nalambigit sa nagkalain-laing krimen sa niaging tulo ka adlaw gikan niadtong Agosto 2 hangtod 4, 2024.
Ang Regional Director sa PRO-7 nga si PBGen Anthony Aberin nidayig sa kalamposan sa nahimong komprehensibo, highly-analytical, ug meticulously planned police operations.
Sa taho, dul-an sa usa ka kilo sa shabu nga adunay standard drug value P6,042,031.20 ang nasakmit atol sa 79 ka operasyon niini ug nasikop usab ang 82 ka mga drug personalities.
Sa mga operasyon sa illegal nga sugal, 109 ka mga ilegal nga sugarol ang nasikop ug nasakmit ang cash nga PhP9,352 nga gisugal ug uban pang kagamitan sa sugal.
Dugang pa, nasakmit sa kapolisan ang 44 ka walay lisensya nga armas ug walo ang nasikop atol sa operasyon.
Ang agresibong kampanya batok sa mga wanted persons niresulta sa pagkasikop sa 42 ka wanted persons. Sa ihap, 7 ang labing gipangita nga mga tawo sa rehiyon.
“We shall continue with our aggressive yet analytical operational strategy in curbing illegal drugs in Central Visayas, ultimately aimed at reducing crimes and making sure that our region will remain peaceful, secure and progressive,” dugang ni PBGen Anthony Aberin. (Renante Socia Lada)
(Source: PRO-7)