Pormal ng gisugdan kagahapong adlawa sa Bureau of Fire Protection Caraga Region 13 an Fire Prevention Month 2024 pinaagi sa isa ka motorcade gikan sa Surigao Luneta Park pasingod sa Surigao City Integrated Bus and Jeepney Terminal and vice versa.
Gitambungan kini sa mga kadagkuan sa Bureau of Fire Protection sa pagpanguna ni FCSUPT. Fred L. Trajeras Jr. an Regional Director kaiban sila ni FSSUPT. Renel M. Belonio, Assistant Regional Director for Administration; FCSUPT. Romel C. Tradio, Director, Special Rescue Force, BFP NHQ; ug FSSUPT. Peter Sean Anthony T. Atup, Assistant Regional Director for Operations.
Tag sundan dajun ini nan mubo na programa sama sa fire drill exercise sa may Casa Domingo de Surigao sa may Borromeo St., Brgy. Washington, Surigao City.
An tema kuman na tuig amo an “Sa pag iwas sa Sunog, Hindi ka Nag-iisa”.
Nahimong guest speaker si City Vice Mayor Alfonso S. Casurra atol sa kick off ceremony. Sa mensahe ni Vice Mayor Casurra na sumaya pa na sila sa local government unit nan Surigao pirmanente jaon sa lujo sa bisan uno na mga programa, plano ug aksyon na makabenepisyo ug dako sa fire safety protection dinhi sa Surigao.
Dugang pa sa mensahe ni Vice Mayor Casurra na sila nag-alokar ug dakong kantidad para kuman na tuig para sa fire station. An mga butang na ipalit pasingod sa pinakabag-o na teknolohiya sa pagpugong ug pagpanalipod sa sunog sa Surigao. Maingon man an mga paningkamot ni Mayor Paul Dumlao, Vice Mayor Casurra ug I. Cortes Development Corporation nakahatag ug kabahinan sa isa ka prime property na lupa sa likod sa Surigao City Integrated Bus and Jeepney Terminal para sa bag.ong Regional Office.
Mitambong isab si City Councilor Karl Dwayne Casurra ug City Budget Officer Atty. Jefrey Galido, mga agencia sa gobyerno ug mga NGO.
(Mark James Lisondra)
