Gipahigayon kagahapong adlawa Marso 4, 2024 ang “Balik Eskwela Pabakuna Ta Extrabonanza” grand raffle draw nga sakyanan, condo units, ug mga motor sa siyudad sa Sugbo.
Gitambungan kini ni Cebu City Mayor Michael Rama diin iyang gihinumdoman kung nganong nahimugso ang maong kalihokan, nga nagdalit og dugang grasya sa mga nabakunahan.
Gibutyag ni Mayor Rama, ganti ang raffle sa mga tawo kay sa pagpamakuna sa dakbayan batok sa Covid-19, hain niabot gani sa 21 ka mga vaccination sites ang gibuksan, kay lagi sila nisanong sa panawagan nga panalipdan ang kaugalingon, pamilya, ug komunidad pinaagi sa pagpabakuna gayud.
Tungod niini, nagbuhat si Mayor Rama sa “PabakunaTa Bonanza” nga raffle niadtong Pebrero 2022, hain awto og condo unit ang labing dako nga mga premyo ug moabot sa 522 ka mga bakunado ang nagrasyahan sa sobra sa P4.85 milyones nga balor sa mga premyo.
“Mao na karon, unsa ma na siyang focus sa ‘Balik Eskwela PabakunaTa Extrabonanza? Ekonomiya saka. Kinsa may modaug? Ought to be, estudyante, maestro, lolo, lola, guardians (sa mga bata). I wish nakadaug mga kabus! Ang nakadaug mga maestro, ang nakadaug estudyante. Mao gyud na akong direksyon,” pamahayag ni Mayor Rama.
Daghang mga sugbuanon ang nalipay sa programa sa Mayor kay gawas na nabakunahan sila nakdawat pa gyud sila og dagko na mga ganti.
“Nagpasalamat ko ni Lord ug napasalamat ko sa nag-organize ani nga event, ‘Balik Eskwela PabakunaTa Extrabonanza’. Nagpasalamat ko sa kahitas-an, ni Lord, ug ni Cebu City Mayor Atty. Michael Lopez Rama,” dugang ni Mayor Rama.
Nagpasalamat usab si Mayor Rama sa mga sponsors, ang Cebu Landmasters, DECA Homes, Skygo, USAID, Ramon Aboitiz Foundation Inc., ug ang Cristina Lee Dino Foundation Inc. (Renante Lada)
(News & photo courtesy of Cebu City PIO)
