An Surigao City mapasigarbuhon na miila ni Dr. Lupo Carlota sa ija talagsaong dedikasyon ug kahanas sa pagserbisyo sa komunidad.
Ubos sa pagpangulo ni Mayor Pablo Yves L. Dumlao II ug Vice Mayor Alfonso S. Casurra, kaiban an City Health Officer Dr. Benjielita P. Notada ug mga Konsehal sa Lungsod, an LGU sa Surigao City midajeg kang Dr. Carlota sa ija talagsaong kontribusyon.
Atol sa bag-o lang na libreng medical mission gikan sa Pebrero 29, 2024, hangtod sa Marso 3, 2024, an dili matarug na pasalig ug kahanas ni Dr. Carlota nakaapekto sa kinabuhi sa mga residente sa Surigao City.
Isa ka Psychiatrist ug Acupuncturist na kaiban sa Association of Philippine Physicians in America Foundation, si Dr. Carlota 88-anyos na kuman na nagpraktis ug medisina suyod sa kapin sa 50 ka tuig sa United States of America.
An Surigao City nagpahayag ug sinsero na pasalamat kang Dr. Carlota ug sa ija grupo, kansang sulundon na serbisyo nagsilbi naa inspirasyon.
An Panggamhanan sa Dakbayan sa Surigao nagpaabot sa umaabot na kolaborasyon aron mapalambo ang atong serbisyong medikal ug padayon nga mapauswag ang kaayohan sa atong mga residente.
(Mark James Lisondra, photo courtesy by Surigao City PIO)