10-anyos na batang babaye, naligo sa iyang kaugalingon na dugo tungod kay gi latus kini sa iyang amahan ginamit ang kawayan sa Lantapan, Bukidnon.
Usa ka Amahan human gipanamas-tamas ang mismong anak niini pinaagi sa pagpuspos ug kawayan nga dunay lansang. Nahitabo kini pasado Ala-01:00 sa hapon Marso 03, 2024 sa ilang panimalay sa Purok-03, Barangay Kulasihan, Lantapan, Bukidnon.
Ang biktima giila nga si Kristine Joy Nabesis 10-anyos samtang ang suspetsadong amahan giila nga si Norito Nabesis, puros residente sa Purok-03, Barangay Kulasihan, Lantapan, Bukidnon.
Base sa iyaan sa biktima nga human makauli ang amahan nga nakainum ug makahubog na ilimnun, kalit kining gipusposan ug kawayan ang anak nga si Kristine Joy ug maayo nalang nakadagan kini sa gawas sa ilang panimalay, nagsyagit kini ug pakatabangan tungod sa naangkong samad sa niini sa ulo. Dugang pa, daghan nang reklamo ang suspetsadong amahan gumikan usab sa pagpandagmal ug pagpangabuso sa iyang mga anak ug sa iyang asawa ilabi na kung makainum kini pero tungod sa kawad-on sa pamilya ug dili masustentohan ang panginahanglanon sa iyang pito (7) ka mga anak rason nga wala sila’y mahimo ug hinungdan nga ila gihapong pasayloon ang amahan.
Sa pagkakaron, nagpabiling anaa sa Bukidnon Provincial Medical Center-Malaybalay ang biktima, samtang gi-andam pa usab sa Korte ang tukmang kaso batok sa suspetsadong amahan sa Lantapan Municipal Police Station.
(Ernest Villariza)