Nagpabilin nga taas an Unit Performance Evaluation Rating nan Surigao City Police Station kompara sa 20 ka laing Police Station nga sakop sa Surigao del Norte Police Provincial Office.
Nakab-ot sa Surigao City Police Station an 92.55% nga gipangulohan ni PLTCOL Mariano Lukban an OIC Chief of Police.
Base sa datos sa Provincial Program and Plans Unit nga nahipos, an Surigao City Police Station an nag una sa pwesto jadton Agosto 2024, gisundan sa General Luna Municipal Police Station nga jaoy score nga 91.15% ika tuyo an Bacuag Municipal Police Station (MPS) nga may score na 91.05%, ika upat an Claver MPS nga may 89.72%, ug ika lima an Alegria MPS nga may 89.20%.
An Unit Performance Evaluation Rating (UPER) na sistema, isa ka standardized evaluation tool sa PNP na konsepto sa pag-assess sa performance sa lain-laing mga buhatan/units sa PNP. An rating naglangkob sa 60% Operational ug 40% Administrative accomplishment sa matag police unit.
Sumaya pa ni PCOL Laudemer M. Laude na an Surigao City Police Station pirme nag una sa Provincial Unit Performance Evaluation Rating (UPER) tungod sa lig-on na liderato sa ilang COP ug kooperasyon sa mga personnel.
Gidajeg sab an mga nag una nga police stations ug ingon man an dili matarug nga dedikasyon sa matag sakop sa ilang units. Kanunay nga giila an ilang mga kontribusyon sa Surigao del Norte.
Giawhag sab ni PD Laude na ipadajun an ilang kadasig ug pasalig sa pagkab-ot sa mga tumong sa Police Provincial Office. (Mark James Lisondra)