Northern Mindanao – Malampusong nasikop sa Police Regional Office 10 (PRO10) ang 110 ka indibidwal, nga nalambigit sa ilegal nga kalihokan sa rehiyon, sa usa ka semana nga Law Enforcement Operation niini gikan Agosto 29 hangtod Septiyembre 4, 2024.
Sa kampanya batok sa ilegal nga drugas, ang PRO10 nagpahigayon og 43 ka operasyon, nga miresulta sa pagkasikop sa 51 ka mga indibidwal ug pagkasakmit sa 245.344 gramos nga shabu, 219 ka bungtod sa Marijuana Plants, ug 3.10 gramos sa Marijuana dried leaves, nga adunay kinatibuk-ang gibanabana nga Standard Drug Price. sa PhP1,712,511.20.
Ang PRO10 nihimo usab og pito ka mga operasyon sa kampanya batok sa ilegal nga sugal nga miresulta sa pagkasikop sa walo ka indibidwal ug pagkasakmit sa PhP3,302.00 nga balor sa illegal nga sugal.
Sa pag-neutralize sa mga wanted persons, adunay kinatibuk-an nga 51 ka mga wanted nga indibidwal ang nasikop, lakip ang 10 ka Most Wanted Persons ug 41 ka Other Wanted Persons.
Dugang pa, gibana-bana nga 460 ka mga pagbisita sa balay alang sa Oplan Katok (Bilang Boga) ang gipahigayon, nga miresulta sa boluntaryong pagtugyan sa duha ka armas alang sa pagtipig.
News and photo by PRO-10