Pormal ng gisugdan an Bagtik Invitational Basketball Tournament ni 1st District Congressman Francisco Jose “Bingo” Matugas kagahapong adlawa Mayo 5, 2024 sa Poblacion, Malimono, Surigao del Norte.
Personal nga mitambong si Congressman Bingo Matugas sa maong tournament. Mitambong isab si Mayor Wallace R. Sinaca ug mga membro sa Sangguniang Bayan.
Sa mensahe ni Congressman Bingo Matugas nagkanayon nga ija ini gihimo an basketball tournament aron maka hatag ug inspirasyon sa mga kabataan.
Ni hatag isab nan mensahe si Mayor Wallace Sinaca ngadto na kay Congressman Bingo Matugas sa kanunay pirme nga pagpayangga sa mga katawhan sa lungsod nan Malimono.
Sa laing bahin an mga teams nga mipartisipar sa tournament amo
* Bagtik an Surigaonon
* 777 / Dinazille
* Taganito
* Arno CDO
* Winston
* Kent Surigao City
Human sa pagpakilaya sa mga team gisunod dajun an Oath of Sportsmanship pinaagi ni JB Mantilla kanhi Basketball Player nan UP Fighting Maroons.
Jaoy gitanyag nga cash prize sa mananaog nga diin an champion makadawat nan P200, 000.00 pesos, 1st runner up P150, 000.00 pesos, 2nd runner up P100, 000.00 pesos ug 3rd runner up P50, 000.00 pesos. Ni hatag isab nan P50, 000.00 pesos si Congressman Bingo Matugas sa kada team isip subsidy para sa pagkaon ug accomodation.
Nagpahigayon isab nan contest para sa best muse nga diin an midaog amo an muse sa Arno CDO team.
Sa exclusibong interview ngadto na sa muse nan ARNO CDO team nga waya sija mag dahom nga sija an modaog sa contest ug maka dawat nan cash prize sa kantidad P5, 000 pesos. Vc.
Nitambong isab an mga Brgy. Captain ug mga Sk Chairperson sa Karihatag, Pili, Hanagdong, San Isidro Poblacion, Doro Binocaran ug Cagtina-e.
Human sa programa nag duwa dajun sa first game an team nan Bagtik An Surigaonon vs Taganito nga diin nidaog an Team an Bagtik An Surigaonon sa score na 102 – 91. (Mark James Lisondra)