Dili mominos kapin sa 10,000 ka mga food packs nga gikan sa Department of Social Welfare and Development (DSWD) ang gipang-apod-apod ngadto sa mga mag-uuma sa dakbayan Sugbo kagahapong adlawa, Mayo 5, 2024.
Si Cebu City Mayor Mike Rama maoy nangulo sa msong pahpanghatag kauban si DSWD-7 Assistant Regional Director for Administration Tonyson Luther S. Lee ug DSWD-7 Assistant Regional Director for Operations Juanito C. Cantero.
Nagpahinomdum si Mayor Rama ngadto sa mga mag-uuma nga gamiton gyud ang ilang nadawat, nga naglakip sa Lakip bugas, canned goods, ug drink mix.
Matod ni Portia Basmayor, ang labaw sa Department of Social Welfare and Services sa dakbayan, ang ayuda gitunol sa DSWS subay sa hangyo ni Mayor Rama.
“Pag-declare og state of calamity during sa El Niño, si Mayor ni request sa DSWD nga mangayo ta og augmentation para nila (mga mag-uuma), para makapanghatag ta sa atoang mga farmers gawas sa atong mga baril ug hose,” pulong niya.
“Nihatag pod ta og kadtong tag-50 kilos nga rice. Sa kadto man tong mga severe nga mga farmers, nga grabeng naapektohan ang ilang mga uma,” dugang ni Basmayor. (Renante Socia Lada)
(Source: Cebu City PIO)